~~- Ik zel er direkt mor met veur de dag kommen. Ik ben versloafd.
‘Hou dat zo?’
- Ach, begunst met ain. Dai smoakt noar meer. Dus nog moar ain. En veur dast waist komt er n daarde en n vierde. Ja, dat is mien taks. Dat heb k mie zulf tenminsten veurnomen.
‘Jaja, véúrnomen. Nou, vergeet dat moar. Zuks sloept er gelaidelek ien en veur dast waitst kenst er nait meer zunder. Noeit meer.’
- Ho ho, overdrief joe nou nait?
‘Ik wait woar k over proat.’
- Hou dat zo?
‘Nou uuh… ain ien de femilie, hè? Allain uuh… wil er t… uuh…zulf nait waiten.
Moarre… vertel es wat meer. Hou ging dat nou precies bie joe?’
- Nou, zoas k al zee. Ik begon met ain. Ien de zummervekaansie. Mor n lutje hor. En toen de lutjes op waren, begon ik aan wat groters. Moar ook dat went. Noa n ketaier nam k al weer ain. En noa de vekaansie ging k er met deur. Alle oavens noa t waark. Ik wait wat Engels bier is en riestebrandewien. En Saké komt ook nogal es veurbie.
‘Zugst wel? Zo ging t ook bie mie. Uhh… dat femilielid, bedoel ik.’
- Nou koop k allain nog moar groten.Van honderdtwenneg stuks. ‘k Heb t uutrekend. Vier per dag, den ken ik n moand veuruut. Moar joe hemmen geliek. Sums gait t sloependerweg. Veural as der niks op televisie is. Gusteroavond betrapte ik mie der op dat k al met t zesde Zweedse roadsel begonnen was. ‘Ooh, joe beduilen…. Púzzelen!’
- Ja, wat dochten joe den?
~~Column van Piety,vertaald in het Westerkwartiers door Coby Poelman-Duisterwinkel. Verschenen in de Feestdagen-editie van Welkominhet Westerkwartier.nl Jaargang 3 nr. 14 NOV-DEC 2014
Piety Veenema, www.pietyveenema.nl