Welkom in Zuidhorn, Wonen, Winkelen, Westerkwartier

(2) Op drift

Door : Willem Tjebbe Oostenbrink
Datum : 2 november 2017
Willem tjebbe oostenbrink foto-teodozja-oostenbrink-wielaar

Ze zagen ons aanzetten kommen op tillevisie,
internet en facebook as n volk votlopen uut Exodus, 
har even zoveul weg van hordes bezoekers
die terugkeerden van n popfestival verploatst
noar n aandre tied.

Ien contreien van opstand en geweld tieren wij
weleg tegen de verdrukkeng ien, mor nood trekt
hulp. Ien innege soamenwaarkeng van smokkeloars
goan we as handelswoar van haand tot haand.

Met verwachtengen hoger as elke òfrastereng
vienden we altied gatten en openengen.
Wij bennen gien hekkesluters.

Tweede gedicht uut t drieluuk Verwachteng ien Wenk en Bewegeng
© Willem Tjebbe Oostenbrink

 





Columns Zuidhorn