10 november, de dag van de mantelzorg
Dai mensen, heul beschaaiden,
dai met n haart van gold,
ze bennen de Lichtbrengers van nou,
stoan kloar veur jong en old.
Ze vienden t vanzulfsprekend
wat zai veur aanderen doun,
de zörg dai ze elk geven
gewoon, uut goud fatsoun.
Dai mensen, heul beschaaiden,
dai met n haart van gold
verdaainen wel es een schollerklop,
t is onbetoalboar volk!
Mag ik vandoag es aandacht
veur dizze golden mensen
dai altied gewoon kloarstoan,
aandern zo groag verwennen?
Ik vien joe echte kanjers
as joe der toch nait waren
wel broacht er den vandoag het licht
bie wel t zo donker was?
Doe, laaiverd, zo beschaaiden,
doe met een haart van gold,
ik zet die groag es flink ien t licht
omdat ik van die hol.
Coby Poelman - Duisterwinkel
